A Secretaría Xeral de Política Lingüística da Xunta de Galicia vén de convocar unha serie de cursos de lingua galega preparatorios para as probas dos niveis Celga 1, Celga 2, Celga 3 e Celga 4. Estes cursos gratuítos diríxense tanto a particulares (sempre que sexan maiores de idade) como a colectivos que desexen organizar cursos de lingua galega e que conten cun mínimo de 20 persoas interesadas en participar nos cursos.

Ditos cursos está previsto que se celebren nas principais Escolas Oficiais de Idiomas e nos centros que se presenten como «colectivos» á convocatoria durante a primavera (xusto antes dos exames para obter o título, que normalmente se celebran no mes de xuño). Haberá un máximo 30 prazas por curso e terán unha duración de 70 horas lectivas.

A data límite para a presentación de solicitudes e o venres 25 de xaneiro de 2013. Podedes tramitar a vosa solicitude en https://sede.xunta.es co procedemento ED104B e ED104D ou tamén fisicamente en soporte papel (ver Bases en «Máis información»).

Máis información:

• Bases completas publicadas antonte no DOG, nas que tamén podedes consultar no Anexo III os cursos pechados que ofertan algunhas institucións públicas (en Vigo, a EOI, o IES Alexandre Bóveda e o CEFORE)
• Enlace ás solicitudes

Fonte: xuventude.xunta.es