O Equipo de Dinamización Lingüística da Escola Oficial de Idiomas organiza para o próximo mes de febreiro dous obradoiros a prezo low cost: lingua coreana e monólogos de humor en galego. O primeiro deles é de nivel introductorio ao coreano, mentres que os segundo busca ensinar a redactar e interpretar guións cómicos ou monólogos de humor.

Programa do obradoiro de lingua coreana

(catro sesións, unha por semana, con comezo o martes 3 de febreiro)

• Un pouco de lingua coreana, da súa cultura e do seu alfabeto.
• Saudar e presentarnos, cunha introducción á linguaxe formal e coloquial.
• Verbos ser e estar e un pouco do vocabulario básico.
• Completaremos con información sobre onde se pode estudar coreano, bolsas e información sobre as posibilidades de estudo.

Programa do obradoiro de monologos de humor

(oito sesións, unha por semana, sendo a primeira o próximo mércores 4 de febreiro)

• Redacción do guión. Aproximación á historia dos monólogos de humor. O stand up na actualidade
• Ensaio do espectáculo. técnicas de memoria e concentración. Técnicas de ensaio
• Preparación do escenario. Elementos básicos
• O discurso. Pausas e silencios
• A comunicación verbal. A importancia das palabras. Dominio da comunicación non verbal
• Interpretación do guión. Observación, análise e avaliación do público. a retroalimentación. Manexo de situacións conflitivas.

Os dous obradoiros teñen un custe de 5€ por xornada, saíndo a 20€ o de coreano e a 40€ o de monólogos de humor. En ambos casos, a inscrición farase enviando un correo electrónico a eoi.vigo.edl@gmail.com

Máis información:

• A Escola Oficial de Idiomas está en Av. Martínez Garrido, 17
• Perfil en Facebook de Dinamización Lingüística da EOI Vigo
• Mail eoi.vigo.edl@gmail.com