Dous novas actividades están programadas para esta semana no centro cultural autoxestionado A Cova dos Ratos. A primeira da que vos imos falar xa vos soará, tratase dunha nova edición do obradoiro de xabón caseiro, pero coa particularidade de que nesta ocasión será para elaborar xabón para uso cosmético a partir dunha sinxela receita a base de aceite de oliva. Será este sábado día 6 entre as 19:00 e as 21:30, e como sempre é de balde pero podedes contrubuir ao final da sesión botando algo no bote se queredes.

E hoxe mesmo ás 17:30 comezará o grupo de clases de iniciación ao Pilates que a partir de agora se darán todos os mércores. Non se requiren coñecementos previos e comezarase con exercicios sinxelos, puidendo facerse dous grupos segundo a evolución dos asistentes se fose necesario. Tedes que ir con roupa cómoda e levar a vosa esterilla. Neste caso non sabemos seguro se é unha actividade gratuita. Tendo en conta que polo momento todas as actividades que fan o son (con contribución voluntaria, eso sí), que na súa web non indican prezo algún e que non obtivemos resposta algunha ao mail que lles enviamos coa nosa dúbida, pensamos que debe de ser de balde… Pero ollo, que seguro, seguro non o sabemos!

ACTUALIZACIÓN: Vía Facebook acaban de confirmarnos que é unha actividade de balde, con bote posterior para a voluntade.

Máis información

• A Cova dos Ratos
• Perfil en Facebook
• Romil, 3, baixo