Xa se presentou a programación para os meses de abril e maio no Auditorio Municipal do Concello de Vigo. Serán un total de 18 espectáculos musicais, teatrais e de danza para todo tipo de público e con prezos que irán dende 0€ ata 7€. Entre eles destacan os dous concertos que ofrecerá de balde o Conservatorio Superior de Música como parte da Semana da Música de Cámara, dúas actuacións de danza para conmemorar o Día Mundial da Danza e a estrea de «Anxeliños», baseada nun traballo de Roberto Vidal Bolaño, autor homenaxeado no Día das Letras Galegas deste ano.
